Games

Mobile Legends: Bang Bang မှ Project NEXT Logo အား တရားဝင် မိတ်ဆက်ခြင်း

Mobile Legends: Bang Bang မှ ၂၀၂၀ခုနှစ် ဇူလိုင်လ (၁၉) ရက်နေ့တွင် ယခုနှစ်အတွက် အရေးအကြီးဆုံး စီမံကိန်းများထဲမှ တစ်ခုဖြစ်တဲ့ Project NEXT အား တရားဝင် ထုတ်ဖော်ကြေညာခဲ့ပါတယ်။ နောက်ဆုံးကြော်ငြာ ဗီဒီယိုမှာ ဖွံ့ဖြိုးတိုးတက်ရေးအဖွဲ့က သတင်းအချက်အလက်များစွာကို ထည့်သွင်းခဲ့ပါတယ်။ Hero များအား အဆင့်မြှင့် မွမ်းမံခြင်းအပြင် Project Next ၏ တရားဝင် အမှတ်တံဆိပ်နှင့် ဒီဇိုင်း ရေးဆွဲခြင်းရဲ့ နောက်ခံ အကြောင်းအရာများကိုပါ ပထမဆုံးအကြိမ် ထုတ်ဖော်ကြေညာခဲ့ပါတယ်။

အချို့သော Heroများရဲ့ ထင်ရှားသော အမူအကျင့်ပုံစံကို ပြသရန်အတွက် Mobile Legends: Bang Bang ရဲ့ ဖွံ့ဖြိုးတိုးတက်ရေးအဖွဲ့က ထိုHeroများရဲ့ စွမ်းရည်များကို အဆင့်မြှင့်မှုများ လုပ်ဆောင်ခဲ့ပါတယ်။ အဆင့်မြှင့်မွမ်းမံခြင်းရဲ့ ထိပ်ဆုံးစာရင်းတွင် ပါရှိနေသော Mobile Legends: Bang Bangရဲ့ ပထမဆုံး Hero Miya ဟာ ကစားပွဲရဲ့ သင်္ကေတ တစ်ခု ဖြစ်လာပြီ ဖြစ်ပါတယ်။
Mobile Legends: Bang Bang သည် Miya အား လက်နက်မှ ဝတ်စုံအထိ ထင်ရှားစွာ စီစဉ်သတ်မှတ်ပေးထားပါတယ်။ ထိုသို့ဖြင့် Miya အား သိမ်မွေ့သော လေးသည်တော် တစ်ဦးအသွင် ဖြစ်စေပါတယ်။ ထိပ်ဆုံးအချက်အနေဖြင့် Miya ဟာ ပြိုင်ပွဲမှာ တက်ကြွသော အခန်းကဏ္ဍမှ ပါဝင်နိုင်ရန်အတွက် ဖွံ့ဖြိုးတိုးတက်ရေးအဖွဲ့က သူမ၏ စွမ်းဆောင်ရည်များအား အဆင့်ဆင့် ထိန်းညှိပေးခဲ့ပါတယ်။ တိုးမြှင့်ထားသော မူလတိုက်ခိုက်မှု စွမ်းရည်နှင့် စွမ်းရည် (၂) သည် သူမ၏ ရန်သူအား ပျက်စီးစေနှုန်းကို မြင့်တက်စေပြီး ထိန်းချုပ်နိုင်မှု စွမ်းရည်အားလည်း တိုးတက်စေပါတယ်။ နေရာချထားမှုအားလည်း ပို၍ လွတ်လပ်စွာ လုပ်ဆောင်နိုင်စေပါတယ်။

Miya နှင့် ကစားနေကြဖြစ်တဲ့ ကစားသမားတွေက များစွာမျှော်လင့်နေတဲ့ အခြား Hero ဖြစ်သည့် Alucard ရဲ့ စွမ်းရည်တွေကိုလည်း ပြန်လည်မွမ်းမံဖို့လည်း Mobile Legends: Bang Bang မှ စီစဉ်ထားပါတယ်။
တရားဝင်အဖွဲ့၏ လုပ်ဆောင်ချက်အရ Alucard ၏ စွမ်းဆောင်ရည်များကို အနည်းငယ်တိုးမြှင့်မှုများ လုပ်ဆောင်မှာ ဖြစ်ပါတယ်။ သို့သော် Alucard ၏ သွင်ပြင်ကို များစွာပြောင်းလဲမည် မဟုတ်ပါ။ ကစားသမားများ၏ တုံ့ပြန်ချက် စစ်တမ်းအရ Mobile Legends: Bang Bang အဖွဲ့၏ တွေ့ရှိချက်မှာ ကစားသမား အများစုဟာ Alucard ၏ ရန်သူနှင့် တစ်ယောက်ချင်း တိုက်ခိုက်မှု စွမ်းရည်ကို နှစ်သက်ကြပါတယ်။ ထို့ကြောင့် ရန်သူနှင့် တစ်ယောက်ချင်း တိုက်ခိုက်လျှင် ထိခိုက် ပျက်စီးစေမှု စွမ်းရည်ကို အဆင့်မြှင့်ရန် ဆုံးဖြတ်ခဲ့ပါတယ်။ ဖွံ့ဖြိုးတိုးတက်ရေး အဖွဲ့သည် မူလ စွမ်းရည်ကို ထိန်းညှိပေးပြီး ပစ်မှတ် (၂) ခုကို ပစ်သည့်အခါတွင် ထွက်သော ပိုမို ထိခိုက် ပျက်စီးစေသည့် စွမ်းရည်ကို ဖယ်ရှားခဲ့ပါတယ်။ ထို စွမ်းရည်ကို ဖယ်ရှားခဲ့သည့်အစား ပစ်မှတ်တစ်ခုတည်းကို တိုက်ခိုက်သည့် Alucard ၏ မူလ စွမ်းရည်ကို တိုးမြင့်စေခဲ့ပါတယ်။ အသက်အပိုပါသည့် Alucard ၏ ထူးခြားတဲ့ စွမ်းရည်ကို ဖယ်ရှားပြီး အမှတ်အသားလုပ်ထားသည့် ပစ်မှတ်များအား ပျက်စီးနှုန်း ပိုမို မြင့်စေသည့် စွမ်းရည်နဲ့ အစားထိုးခဲ့ပါတယ်။ ထို ပျက်စီးမှုများစေတဲ့ စွမ်းရည်ဟာ Alucard ၏ ပုံမှန်တိုက်ခိုက်မှု စွမ်းရည်အပေါ်မှာ အကျိုးသက်ရောက်မှု ရှိပြီး ထိခိုက်ပျက်စီးစေနှုန်းကို မြှင့်တင်ပေးပါတယ်။
သူရဲကောင်းများအား သတ်မှတ်ရေးဆွဲမှုနှင့် စွမ်းရည် သတ်မှတ်မှုများအား ထပ်မံ ဖော်ပြရမည်ဆိုလျှင် သူရဲကောင်းများအကြား နောက်ခံအကြောင်းအရာများအား အဆင့်ဆင့် ပြန်လည် တည်ဆောက်ခဲ့ခြင်း ဖြစ်ပါတယ်။

နိုင်ငံတကာက အမြင်တွေ အနုပညာနှင့်ဂီတတွေ Heroတွေကို ပိုမိုကောင်းမွန်အောင်ဖန်တီးသွားမှာ ဖြစ်ပြီး ဂိမ်းကစားလိုက်တိုင်းမှာ အတွေ့အကြုံသစ်များကို ရရှိစေရန် ရည်ရွယ်ပြီး Project NEXT ကို ရေရှည်စီမံသွားမှာပဲ ဖြစ်ပါတယ်။ Mobile Legends : Bang Bang ကို ပိုမိုကောင်းမွန်တဲ့ အရည်အသွေးနှင့် ပိုမိုကောင်းမွန်တဲ့ အတွေ့အကြုံသစ်တွေနှင့်အတူ မြင်တွေ့ရမှာပဲ ဖြစ်ပါတယ်။ ဒါကြောင့် Project NEXT logo ကိုဆန်းသစ်စွာ အသစ်တီထွင်ထားတာပဲ ဖြစ်ပါတယ်။

ရွှေရောင်က ဂုဏ်သရေရှိခြင်း၊ တရားမျှတခြင်း၊ ဝါသနာကြီးခြင်းကို ကိုယ်စားပြုပါတယ်။ အပြာရောင်စိန်ကတော့ မျှော်လင့်ချက်၊ ရဲတိုက်မျှော်စင်တွေကို ကာကွယ်ခြင်း၊ ဦးဆောင်လမ်းပြတဲ့အချက်ပြမီး ကို ကိုယ်စားပြုပါတယ်။ အောက်မှာရှိတဲ့ v ပုံစံလေးကတော့ တောင်ထိပ်ပုံလေးဖြစ်ပြီး အတိတ်က အောင်မြင်မှုကို ကိုယ်စားပြုပြီး NEXT ကတော့ နောက်လာမည့် စွန့်စားမှုတွေကို ကိုယ်စားပြုတာပဲ ဖြစ်ပါတယ်။ Mobile Legends: Bang Bang က ကစားသမားရဲ့ အကြံပေးချက်တွေနှင့်အတူ အချိန်၊အသစ်အဆန်းတွေ၊ အသစ်တီထွင်မှုတွေကို အကောင်းဆုံးပြုလုပ်ထားပါတယ်။ နှစ်စဉ်ဆန်းသစ်မှုတွေနှင့်အတူ ၂၀၁၉ ခုနှစ်မှာ Mobile Legends: Bang Bang 2.0 ကို ထုတ်လုပ်ခဲ့တာဖြစ်ပြီး ကစားသမားများက ချီးကျူးဂုဏ်ပြုခဲ့ပါတယ်။
ဒါကြောင့် Project NEXT ကို စောင့်ကြည့်ကြဖို့ တိုက်တွန်းချင်ပါတယ်။ နောက်ဆုံးရ သတင်းတွေကိုလည်း ဆက်လက်တင်ပြသွားမှာ ဖြစ်ပါတယ်။ ဒါကြောင့် ဆက်လက်စောင့်ကြည့်ကြရအောင်နော်။

Leave a Reply

Your email address will not be published.

Back to top button